Af ku waa gabaabsi!

Ma dareemeysaa in Afkeenu gabaabsi sii yahay?

Sidaan wada ogsoonahayba afka hooyo waa hodan, balse nasiib darada jiilkeena haysata ayaa ah ineynaan arkin hodontimadaas. Waxaa hubaa in Kadyka ereyada afka soomaaliga ay ka buuxaan erey bixino badan waliba laga soo helaayo erayo badan oo aan hadda aqoonin af soomaali waxa lagu dhaho.

Ma jiro meel mucayin ah oo lawada garanaayo oo loo doonto markuu qof erey u baahdo. Dugsiyadeena (Schoolada) oo ah Kuwii naga soo marin habaabiyay markii horaba uma diyaarsana sidaas. Xiisada ugu liita ee laga bixiyo goobeheena wax barashada af soomaaliga wuxu kaga jiraa safka hore. Wax xiiso iyo dhadhan ah oo loo yeeli jirey maleh.

Jiilkeena wax bartay dowlad la’aanta waxaa nahay kuwo jaha wareersan, waxaa nahay kuwo aan ku baahi bixi karin afkooda hooyo.

Waxaa arkeysaa qof weyn oo wax bartay maskax furan isla markaasna ay aqoontiisu ka ifiyeso, balse afka uu ku hadlaayo uu yahay wax af soomaali ka tagay af kale oo layaqaanana aan noqon. Balse Anaga waxaa naga sii nasiib daran kuwa imaan doona ama hada yaryar sababtoo ah intaan hada jirto hadaan la daba qaban waxay u imaan doonaan af soomaali la dhalan rogay ama la barxay.

Tusaale: sxp haween danpe chance ma hlayi lkn aan lawo maln kadip is khapano. 🙄 adi lee garo. Mustaqblka dhow ilmaha ku kora guriha afkaas looga hadlaayo Maxaa ka fileysaa inuu asna dhihi doono.

Sidii horey u jiri jirtayba markuu erey qalaad soo galo afkeenaa, markiiba waxaa jirey guddi dowli ah oo erey bixino cusub u sameyn jirey, kuwaasoo bulshada soo gaarsiin jirey. Hadda waxaas maleh. Hadey jirtana ma lihin goob lawada ogsoon yahay oo u doonan karno( hadey lacala jirto noo sheeg fadlan).

In badanoo nagama mida waxaan aaminsan nahay qoraalka af soomaaligu inuu yahay mid lagu caajiso. Magaran karo inee tahay shaqalada dhaadheer ama erayada aan kala go’i karin. Balse aan ka door bidno inaan af islaameed iskula hadlano. si kastey ahataaba afkaas af aan ahayn oo leenahay ma jiro waana masuuliyad iyo waajib nawada saaran inaan ilaalino, koley inteena badan wax kusoo kordhin meyno balse intaan yar ee hadda aan haysano aan sidii ugu sax saneyd ugu gudbino jiilka naga danbeeya.

Shan kamida calaamadaha qaangaarnimada garaadka.

Dadku isku xili ma garaadsadaan, maankooduna iskumar ma qaangaaro.

Kuwaa da’dooda wax badan garaad ahaan ka weyn kuwa kalana wey ka yaryihiin intey jiraan. Hadaba waxaa jira sifooyin badan oo muujiya in qofku yahay qof garaadsaday oo caqligiisii buuxsamay. Halkaan waxaa idinkula wadaagayaa xooga ka mid ah sifada ama calaamada ay yeeshaan dadka maankoodu buuxsamay.

Qofka markuu caqliyeysto wuxuu ogaadaa

1. Iney aamusnaantu tahay wax fiican: hadalka badan waa lagu xikmad guuraa.

2. Qoyskaaga inuu yahay cida kaliya ee mudan in muhiimada la siiyo: dhiigu biyo maaha.

3. Inaa xiratid alaabo magac iyo qiimo sare leh ineysan qeexayn qofkaa tahay iyo heerkaa nolosha ka taagantahay.

4. Dadka rayigooda inuusan qeexeyn qofkaa tahay lakin rayigigaaga iyo ficilkaaga uu adiga kaa turjumayo

5. Mar walboo xeyndaabka dadkaagu yaryahay waa markastoo farxsantahay. Buuq iyo bulxana ka fogtahay.

Hadii aad dheeraad heyso inoo reeb.

Mahadsanid.

Shanta buug ee xulka ii ahaa lixdii bilood ee 2020 u horeysay

Salaama saaxiibayaal, waxaa jecleystay inaan idinla wadaago qayb kamida buugta aan akhriyay lixda bilood ee sanadkan 2020 kuwoodi iigu cajibsanaa islamarkaana saameyn igu yeeshay.

5. Love without limits: buugaan waxaa qoray qoraa reer Australia ah Nick Vujicic waa naafo ku dhashay gacmo iyo lugo la’-aan lakin aduunka tusay iney naafo nimadu tahay kartidaada ood dayacdo iyo awoodahaaga ood ka faaideysan weyaid.

Buugu wuxuu xambaarsanyahay cashar dhanka qoyska iyo jacaylka ah. Cashark ugu weyn ee uu xambaarsanyahay wuxuu yahay Iin walba oo aad leedahay qofbaa kugu qaadanayaa ee qofkaas il gaara ku fiiri adna. Sidoo kale qoyskaaga sii mudnaada koobaad

Sibaa iskaga dhex arkayay!

4. Eat that frog : buugaan waxaa qoray Brain Tracy, waa buug ka digaaya dib u gurashada ama is habsaaminta. Hadhow baa qaban! Kaliya kuuma sheegaayo ciladee wuxuu ku siinaaya xal iyo talooyin aad naftaada kaga bogsiin kartk cudurka wahsida. Waa buug ku dhahaya hada dhaqaaq soco qabo, dantaada garwsiyo waliba sida howlaha loo kala fududeeyo ayuu kuu sheegaaya. Runtii intaa aqrinaayay buugaa talaabooyin dhowr ah waa qaaday.

3. Ayuhal Walad: waxaa qoray imam Al gazhali allaha u naxariistee. Waa buuga labaad ee ka aqriyay imamkaas. Kan kale waxaa la dhahaa Bidaayat Al-Hidaaya waa buug kaloo fiican asna. Lakin kan baa aad uga heley. Asaga dhan waa waano socoto. Nuxurka u weyn ee uu xambaarsanyahayna waa noqo qof Muslim ah oo toosan. Af iyo adinba laga nabad galo, dantiisa garowsada, ilaaheyna ku xirnaada. Mar walba uu xikmad ama waano bilaabayana wuxuu ku bilaabayaa Ayuhal walad…

wuxuu aad ugu dardaarmaaya inaan laga quusan cilmi in laraadiyo.

2. Naxwaha af soomaaliga: buugan wuxuu ka mid yahay kuwa aan dib ugu laaban doono aqriskiisa waayo wuxuu ka hadlaayaa sida ugu sax san ee afka soomaaliga loo qoro, sidoo kale wuxuu ka qashaqeysiinaayaa maskaxdaada asagoo kuu diraya leyliyo af soomaali ah oo xiiso badan. Laga yaabee inaad garan weyso hadana waxay u egyihiin kuwo fudud waayo waa afkaagii hadana masoo qaban kartid ereygii. Aadbaa ugu raaxeystay buugaas intii aa aqrinayay. waa buug yar oo kooban lakin muhiim ah. Waxaad ka heleysaa makdaba onlineka ah ee Baraarug Library.

1. The 15 in-valuable Laws of growth : waxaa qoray John C Maxwell. Waa buuga aan u doortay kaalinta koobaad. Ilaa hada buug ka cajiibsan ima soo marin. 300+ pages ayuu ka koobanyahay hadana mid kama boodin intaa aqrinaayay. Bishaan june baa bilaabay waaana buuga aa kusoo xiray kala barka sanadka. Buugaan hadii la i dhaho sanadka asaga iyo mid kale bis ku cel cesho waa hubaa inaan ka caajisyeen. Kow wuxuu ku qoran yahay luuqad aad u fudud oo cid walbaa fahmi karto. Labo wuxuu ku siinaayaa dhowr talaabooyin oo kala duwan ood ku xalim karto hal masalo kaliya. Maskaxdaada ayuu bool bool ukala furaayaa wuxuuna ku shubaayaa wax walbo oo wanaag aad u baahneyd. Qarasta iyo waabayada dhan intuu kugu kiciyo buu ku siinaayaa waxaa iskaga dajiso. Mar walboo aqriyo waxbaa ii kordha, rayi baa helaa. Hada xitaa fikirkaan ah inaan idinla wadaago buugteyda xulka ah waxaa ka dhex heley buugaan. Waa idinkula talinaayaa inaad aqrisaan. Ana waa ku ceehaanaa insha allah.

Nuxur intaan kabadan waa idiin soo qori lahaaye fikirkaa degdeg iigu dhashay. June inteysan taariikhdu ka badlmin ka gaarsii baa is dhahay. Waa ku mahadsantahay aqriskaaga. Adigana ila wadaag kuwii ugu cajiibsanaa ee ilaa hada aad akhrisay sanadkaan.

Wadaadka Maal qabeenka ah!

Waxaan ka qayb galay seminar online ah oo uu ku casuunaa ganacasade shiikh AxmedNuur Cali Jimcaale ( wadaadka magiciisu sida naanaysta oo kale u caan baxay). Ciwaanka uu ka hadlayay ayaa ahaa ‘Habka fursadaha loo baadi goobo iyo Tabaha loo baxnaaniyo ganacsiyada yar yar’.

Waxay ii ahayd markii u horeysay oo aan toos u arko isagoo meel ka hadlaaya. Horey filin xaata ugama daawan qoraalkiisana iskaba daa.

Intii aan dhageysanayay qudbadiisa waxaa iiga baxay sababta ganacsiyo badan oo soomalidu leedahay ay u guuldareystaan oo ay ugu horeeyaan hunguri badni, aqoon xumo, shaqaalaha oo aan la daryeelin lana dhiirigelin, dhiig miiradnimo iyo xalaasha oon la quudan. Wadaadka oo isla markaasna ah ganacsade dhaqaale badam sameeyay wuxuu is waafajiyay diintiisa iyo aduunyadiisa. Waxaan ka wadaa ganacsiga hadaa diinta ku saleyso ood la timaado dadaal adag hubaal waad ku guuleysaneysaa. Waxaa jirta Dhowr qodob uu ka dhawaajiyay ayaa iila muuqday guusha ganacsigiisa iyo wadada saxda ah ee la rabo inuu maro qofka ganacsadaha ah. Waxaa kamid ah

1. Alle kacabsi iyo talo saarasho rabi: qur’aanka hakuu noqdo marjica u danbeeya iyo kan u horeeya eed xal ka raadiso. Waa Hubaal inaa ka dhex heleysid xal, ilaaheyna waa balan qaaday midaas inuu ku waafajinaayo. Intaas waxaa dheer ganacsigaaga iyo dadkaa la dhaqmeysaba ilaahey uga baq. Xalaal miirad noqo, Ha noqon ganacsade bulshada dhiig miirta kaligii macaasha oo faaiido doon kaliya ah.

2. Rabitaan xoogan iyo dadaal: u shaqee si adag oo joogto ah hana is dhiibin. Wuxuu tusaale noo siiyay inuu shaqeen jiray 14 saac waliba si adag. Waa ii dhinaa qof soomaali ah oo intaasoo saacadood ganacsigiisa ka shaqeeyay.

3. Dad dhex gal: Wuxuu aad u xoojiyay in dadka la dhex galo, fursadaha la fiir fiiriyo lagana faa’iideysto. Bulsho la kasbado. Sahan joogto ahna la sameeyo, sidoo kale waaqica lala socodo. Ayadoo laga jawaabayo baahida macaamiisha. qodobkaan wuxuu ku sheegay inuu aad uga faaidey. Tusaale: Ganacsigiisa wuxuu xooga saara qancinta macmiilka. Halkaas oo ganacsiyo iyo shirkado badan oo dadkeenu leeyihiin ay ku liitaan.

4.Ganacsigaaga u dhiibo dad aqoon u leh isla markaana aamina: Shaqo walba qofkeeda u dhiib. Halkaas waxaa iiga soo baxay ha ina adeersan oo Qabiil ha fiirin markaad shaqada bixinayso.

5. Ha quusan: Tusaale wuxuu usoo qaatay markii xawaalada barakaat oo sahaqeyneysa ay dowladii somaaliya burburtay halmarna shaqdii istaagtay sidoo kale wuxuu soo hadal qaaday markii shirkadii iyo bangigii barakaad oo dhanba Halmar albaabada loo laabay. Ismay dhiibin, ma quusan mana u joojine ayagoo cusub waa kuwa dib usoo noqday. Rug cadaagii soo rogaal celi.

Gunaanadkii, wadaadkaan lacagta Shiikh AhmedNuur Cali Jimcaale, waa wadaad faahin ku ah diinta, caqbri iyo xilkas ah, waaya araga sidoo kale ah rug cadaa & saameeye ganacsi. Mudana in dhinacyo badan looga daydo. Waxaan aaminsanahay iney nagu jiraan dad badan oo sidaasoo kale ah ayna mudan yihiin in bulshada loosoo saaro si looga faa’iideysto. Dadkeena nolosha qaybheeda kala duwan guusha ka gaaray saamayntana yeeshay hadii ay bulshada la hadlaan ama dhaxal dhigan u reebaan waxaa naga yaraan lahaa turaan turooyin badan.

Waxaan aad u bogaadinayaa bahda Murti Doon oo xubin kahay, sida ay bulshada ugu soo bixiyeen wadaaka maalqabeenka ah.

Waxaan COVID-19 ka baranay.

Coronovirus saameyn intee le’eg buu kugu yeeshay? Waxay ila tahay Mid weyn! Saaneyntiisa guud iyo mida gaar ee caafimaad ka waxaa aad u dareemi kara ama fahmi og ciduu ku dhacay ama joogta dal uu si ba’an ugu baahay. Hadana Sidaas oo ay tahay wey yar tahay qof uu san dhibtiisa soo gaarin. Si toosan iyo si dad ban.

In badan oo naga mida waxay ku baraarug sanaayeen khasaaradiisa iyo dhibta uu geystay. Balse waxaa jira wax muhiim ah ay tahay in laga dhex barto.

1. Covid19 iyo guri joogu wuxuu na baray in 24ka saac ay tahay waqti badan oo inagu filan. Sababta illaahey noogu dooray na aan fahanay. Dad badan bey iskaga dhex yaaceen habeen ki iyo maalin kii (oo anigu ka mid ahay) lakin uu waqtigu u ahaa mid balaarnaa.

Waxaa jirtay Ayadoo Guriga lagu dhex shaqeeynay, waxna lagu baranaayay, In qofka usoo haraysay waqti badan.

covid19 kahor meel aan ku bixin jirnay iyo siduu nagu dhaafi jirey lama xisaabin jirin. Waqti ciriiri baa ka caban jirnay iwm. Balse hada xaqiiqada waxa noqotay in 24 saac ay tahay waqti nagu filan.

2. Guri joogu wuxuu na siiyay fursad aan ku baran karno nafteena. Waxaa soo baxday shaqsiyada dhabta ah ee qofka sidoo kale wixii uu qofku u kalihi jiray shaqo ama waxbarasho iney ahayd mid ku haboon rabitankiisa.

Waa wax fiican inaa nafteena waqti siino oo is xisaabino. Halkaa mustaqbalka rabno iyo jihadaan u aadi lahayn inaan u dhaqaaqno.

In badanoo naga mid ah uma helin fursad ay naftooda ku xisaabiyaan balse si khasab ah xiligaan adag ee guri jooga ayaa fursad noo siisay inaa nafeheena dib ugu noqono, oo is xisaabino. Hadey noqon lahayd aqoon kororsi,iyo xirfad cusub oo aad barato iwm.

3. Dhamaan noolaha koonka oo dhan waxaan uwada baahneyn waqti nasiino (break-time). Dadka, dhulka, xayawaanka iyo aaladaha aan isticmaalno, intaba waxay u baahnaayeen waqti aan ku degno oo ku nasano. Waxaa nastay dhulkii, hawadii wasaqoobi jirtay ee qiiqa sunta ahaa oo ku socdoy, xayawaanki dab jooga iyo duur jooga ahaa ee aharci darada loo leyn jirey. Aaladihi aa isticmaali jirnay oo ayagana heley waqti ey ku qaboobaan. Dadkii oo waqti isku heley, hadey noqon lahayd qoys wada noolaada iyo kuwo wada xidhiidha. Iyo qaar kaloo badan.

Isbarasho cusubna wey dhacday- character revealing.

4. Waxaa ogaanay in aadanuhu isku tabar yahay markey runta timaado. Dowladihii awooda ku faani jirey iyo kuwii awood yarida heysay iney isku si uga wada cawdeen xanuunka saf marka ah. Sidoo kale dadkii lacagta lahaa oo lacagtoodi ay badbaadin weysay. Kuwii magaca lahaa oo ayagana baxsan waayay. Halkaasna ay nooga soo baxday in awooda ilaahey aynaan marna baacsan karin. Ayna haboontahay mar walba inaan ilaahey swt isku dhiibno magan galyana weydiisano .

5. Inaan kayd lahaano. Waxaa jirta hadal caan ah ‘Barri baa darane baal reebo’. Adoon is qadin maantay beri iyo mustaqbalkaaga wax u dhigo. Kaydku wax kastuu noqon karaa, lacag ama cuno, daawo, sidoo kale caafimaadkaaga waa kaydsan kartaa.

6. Casharka u danbeeya ayaa ah in dunidu isku wada xirantahay isla markaana ay si fudud isku saameyn karto samaan iyo xumaanba.

Xaduudaha ey dhigteen dalalka ee kala celiya in eysan ka celin karinaafada wareegeysa. Waxaa run ah hadalkii ahaa ‘Dabka galbeed ka socda gondahaaga ka day’ . Sidaas si lamida waxaa xaqiiqo ah in la isku baahan yahayl Dadkuna kala maarmin. Wax kasto nolosha aad haystatid hadeysan dad ku jirin faaido badan kuuma sameyneyso.

Ma jiro qof kaligiis isku filan.

Ku Mahadsanid aqrintaada.

Qisas al anbiyaa

Xaqiiqo intee leg baa ka taqaanaa nabiyada iyo rususha ilaahey soo direy?

Waxaa ii dhamaaday dhageysiga kitaab aan mudo soo waday ee qisas al anbiyaa oo uu qorey shiekh ibn kathir. waxaan idinla wadaagayaa inyaroo kaga faaloonayo.

Hadii aa ku maqashay nabi Yuusuf cs inuu ahaa noolaha kan ugu quruxda badan, nabi daauudna cs wuxuu ahaa noolaaha kan ugu codka qurxoon. Iyo inuu nabi idris ahaa qofkii koobaad ee wax qora. Hadii waqtiga qof walba uu haysto ay tahay 24 saac maalintii waxaa taariikhda soo maray nabi looga badiyay intaa, baryo uu ilaahey baryay darteedna ku heley fadligaas. Sidoo kale Mucjisoyinka tirada badan oo hadana kala dar daran ee nabi ciise la siiyay oo kala ahaa ah Aabo laan inuu dhashay kow, inuu yaraan ku hadlay ,inuu meydka soo nooleyn jirey, iyo inuu xanuunka daweyn jirey dhamaan asagoo idinka eebe ku daraya Ayaa sababtay in qowmkii waagaas inta wareereen asaga dhan ilaahey ka dhigteen. Alle magane.

Nabi walba fadli gaar ah buu leeyahay ilaaheyna swt Nabiyadiisa wuxuu usoo kala saaray siyaabo kala duwan. Lakin waxa kaliya uu kawada simay waa xikmad iyo aqoon. Umad walibana nabiga iyo rasuulka loo soo diray wey isu dhigmeen. Oo waxaa la siin jirey mucjiso iyo xikmad markaas la jaan qaadi karta casriga umadaaasi mareyso.

Marka laga yimaado in dhamaan anbiyada ay gudbinayeen hal fariin oo isku mid ah taasoo ah rumeynta ilaahey iyo maalinta qiyaame. Hadana nabi walba wuxuu maray marxalad ka duwan kuwa kale. Marka la fiiriyo qisada nabi muuse cs waa mid cashar weyn laga baran karo. Maaha kaliya inuu fircoon la dagaalmay iyo in saxaradii ugu waaweyneed uu ka yaabiyay ee waxaa aad layaab u leh in qoomkii markii hore taabacsana ee lagalay dagaalka ka dhanka ah fircoon ay markii danbe dib uga soo hor jeesteen. Nabi luud iyo qowmkii ugu fasahaadaanaa ee xitaa malaaiktii iney halaagto ugu Yimid uu damac ka galay oo iney xoogaan isku dayay. Samir badane asluub badane nabi ayuub oo mar qura caydh soo istaagay kadibna xanuun loogu daray baryo iyo istiqfaar badan kadib ilaahey usoo celiyay hantidiisi iyo awlaadiisi xanuunkiina laga qaaday. Waxaa xusid mudan boqortooyadii nabi suleymaan ee ugu weyneed sooyaalka aadanaha ee ayadoo kale aan dib loo arag. Cajiibsanaayaa oo nasiib badnaayaa nabigaas ilaahey wuxuu isugu daray madaxtinimo uu dhaxal ku heley iyo in loo saqiray adeegsiga noole aan insaan ahayn sida jinka iyo dabaysha.

Tan ugu cajiibsan waa in nabi muxamed csw uu kulansaday in badan oo kamida mucjisaadka iyo dhacdooyinka rusushii ka horeysay. Waqtiga yar ee uu dacwada waday ayuu la kulmay dhacdooyin badan oo u dhigma kuwii nabiyadii hore soo mareen.

Xiisaha uu xambaarsanyahay kitaabkaan qisas al anbiyaa maaha mid aan xagaan kusoo koobi karo ee waxaan kuusoo jeedin lahaa inaad ka wardoonto.

Waxaan kusoo gababeynaya shan xaqiiqo oo ay ka wada simanyihiin dhamaan nabiyada iyo rususha ilaahey soo direy.

1. Nabi walba wuxuu eebe u balan qaaday duco mustajaaba ah oo loo aqbali dooni. Badi way hormaraadeen ducafoodi ilaa Nabi muxamed maahee. Nabiga scw ducadiisa wuxuu udib dhigtay qiyaamaha oo uu noogu shafeeco qaadi doono.

2. Nabi walba oo ilaahey soo direy wuxuu ka digay fidnada masiixi dajaal.

3. Nabiyada oo dhan wexey ka hurdi jireen indhaha waxayna ka soo jeedeen qalbiyada.

4. Nabi walba wuxuu ku dhex tukadaa qabrigiisa.

5. Xirfada ay ka wada sinaayeen dhamaan nabiyada waxay ahayd ari raacida. Xikmada ku jirta ari raacdia ayaa ah in arigu uu ka dhib badan yahay xoolaha kale qofka raacaana uu ka samir badnaanaayo.

Dabeecad wanaaga

Dabeecad wanaaga waxaa laga dhaxlaa

1. Caafimaad

2. Xasilooni

3. Xikmad

4. Iimaan

5. dhowrsanaan

6. Danbi yari

7. Kalsooni

8. Farxad

9. Samir

10. Jano

Hadaba see lagu helaa dabeecad wanaag.

Adoon u dhalan inaa dabeecad fiicantahay hadana waa la bartaa waana la noqon karaa qof dabeecad fiican.

1. Laab xaarnaan. Inaa niyadaada ka dhigtid mid barax ah oo ka hufan xiqdi, xaasidnimo iyo xumaan filasho oo dhan. Inaa niyadaada boos wayn ka siisid samaan ka filashada.

2. cafis badan. Iska cafi cid walboo dhib kuu geystaa. Waayo cuqdadu waxay miisaan badan oo culees ah ku haysaa qalbiga. Ciriir iyo cakirnaan oo dhan niyadaada ka saar.

3. Hadal yar. Isku day inaaa ku hadasho Hadal kooban oo run ah. Uma baahnaysid sharaxaad badan iyo erey erey ku kab.

4.dhoola cadeyn. Saldhiga dabeecad wanaaga waa dhoola cadeyn. Dabinka dad kasbashadu waa dhoola cadeynta. Dibnahaaga wax yar kala jiid markaa qofka salaamayo.

Ma jiro qofku mar uu ka qurux iyo soo jiidasho badan yahay markuu dhoola cadeynaayo.

Ha is dhihin waa u dhalasho dabeecad wanaaga anigana uma dhalan. Iyadoo dad badan u dhasheen ayay hadana garaneyn sida looga faaideysto iyo muhiimadeeda.

Marka hadaa faaidada dabeecad wanaaga ogtahay si fudud waa ku baran kartaa sida loo yeesho.

Waxaan rajeynaa Wax bartoood inaa kuu soo kordhiyay.

Mahadsanid.

My University Life| Nolosha Jaamcadeyda iyo Saaxibadey

Bismilah assalam alliekum magacygu waa xafsa c.caziz xassan FIQI.
waxan maqaalkan kaga faaloon doona nolosha jamcdeyda iyo saaxiibada aan ku haysto;
waxaan degree 1aad ku diyarinaya cilmiga computer science qaybta Information Technology. waxaan ka diyarinaya jamacda Muqdisho  ee caasimada soomaaliya.
2013 ayaan bilaabay jamacda imikana waxan maraya semisterki ugu danbeyay,
ilaahey bey mahad oo dhan u sugnatay isoo gaadhiisay gunti iyo gabagabdi.
Dhab ahanti waa jaamacad aad iyo aad u mashquul badan, oon lkn aan aad ugu raaxaystay   una riyaqi jirey aadisteda; waxey harka iyo hoyaadka kaaga saaraysa imtixaano iyo assigmnets is dabo joog ah;lkn u ah ardeyga faaiido weyn, oo uu dareemi doono marka uu dhameyo ama dhamayn rabo,

 

 

Jamcdeyda wexey dadaal dheer oo adag gelisay sidii aan ku heli lehen aqoon dhan walbo ka dhamaystiran; alxamdulilah waxaan ku faana oo waliba si cod dheer leh ku sheega inaan dhigto jaamacda Muqdisho, jamacda ugu wangsan dalkeena soomaliya anigo waliba raciya sababta aan ugu fano een u jeclahay.
sababta ugu weyn ee ku doortay ayaa ah iney jamcdu leedahay nidaam iyo kala danbeyn weyn oo aad iyo aad u adag oona la jabin karin. maamul si dhaba ukala danbeya.
wexey si cad u raacda shurucda iyo xeerarka ey u dajisay ardeydeda iyo shaqalheda, waxey mar walbo ka dhabeysa go’aamadeda iyo balanqaadkeda.

 

Marka laga reebo aqoonta iyo dhiirigalinta faraha badan ee ka helay jamacda Muqdisho waxaan kaloo helay oo ku bartay dadkii ugu wanagsana een la kulmo nolosheyda intii aan wax baranayay; waxaan helay arday aad iyo aad u wangsan, i tixgaliya, i jecel.
wexey ii noqdeen saaxiibo dhab ahoo aan mudo wada joognay; wadaagnay oo wada kororsanyna cilmi iyo aqoon badan, waxan wada qadanay waqti qaaliya, waxaa nahay dad isla soo maray nolosha wax yabo badan murugo iyo faraxad aad u badan leh.
wexey isiiyeen farxadi ugu badneed een helay intaan wax baranyay iyo kalsooni weyn, .
dhamantood asxbatas waa wiilal, waxan ahay gabdha kali ah ee 4ta sano la soo joogtay,
mey dhicin maalin aan aaday jamcdeyda oo aan qosol, farxad iyo firfircooni dheerada kala soolaban.

Runti waa saaxibo dhisay noloshayda, cilmigeyga iyo garaadkeygaba. wexey dibada u soo saaren awoodeyda iyo kartideydi qarsoneyd, wexey i tuseen qofka dhabta een ahay, waxay kalo i aaminsiiyeen inaan noqon karo cid walbo oo aan doonayo inaan noqdo; inaan xaqiijin karo riyooyinkeyga oona hanan karo himilooyinkeyga.
ilahey waxan ugu mahdiya mar walbo inuu igu soo beegay ardaydi ugu wanaagsaneyd ee waligey aan jecla inaan helo.

Si guud dhamantood waxaan u haya jacayl ,xushamd iyo qadarin weyn, mid walbo oo iyaga kamidana waxaan u haya jacyl qaasa oona mid mid lamidi jirin  kuna salseesan dabeecadisa.
waan xasuusnaan doona daqiqad walbana maskaxdeyda iyo niyadeyda kama bixi doonan insha allah.

Batch 17; 1st IT of Mogadishu University.

 

 

 

 

 

Riyadeydii muxaadarada maxaa ka run noqday?

Waligey intaan habeen riyoonayay ma arag riyo ii furanta ama rumowda sababtoo ah badanaa maba xasuusto xalay waxaa ku riyooday. Balse waxaa jiraa kuwo yaro aan qalbiga ka bixin. Habeen aan saa usii fogeyn oo bishii ina dhaaftay ee sanadkii dhamaaday ayaa waxaa ku riyooday anoo jooga meel shiikh mustafe uu muxaadaro ku qabanayo, (dabci bey ii noqotay waayahaan danbe markaa rabo inaa seexdo inaa wacdi ku tuurto inta badana shiiq mustafa dhageystaa).

Riyada Waxay u ekeet meel guduud u badan iyo xoogaa madow ah, shiiqana uu dhexda fadhiyo anagana aan kasoo horjeedno kadibna uu noo muxaadareeynaayo. Aniga aadaa ugu farxasanaa si si waxaa u dareemaayay shiiqa inaa u dhawahay 😂. Waqti dheer baa ag joognay oo uu noo wacdinaayay.

Adu yaan war kugu daaline riyadii si bey iigu taagneed, lakin marna ma is dhihin waa rumoobi. Balse ilaahey iraadadiisa maantay oo ahayd 04 jan 2020 ayaa waxaa ka qayb galay muxaadaridii ugu horeysay een abid tago. Waligey shiiq ma hor fariisan iimana wacdin. Wey jirtaa in macalin dugsi kitaab yar ii raacay lakn muxaadaro weyn waa tii iigu horeysay. Waxaa muxadarada soo jeedinayay mashaa iq dhowr ah, ilaahey fadligiis shiiq mustafaa ka mid ahaa. Aad baa u farxay markii kow la ii sheegay inuu Istanbul imaanayo oo uu mixaadaro ka jeedinaayo, waakaa hilmaaame waa tii maalmo hore ee bishii Dec eey culumo badan nairobi muxaadaro ka jeedinaayeen. Maalinbaa niyada iska iri tolow iney halkaan yimaadan malaga yaabaa 🤔 ilama ahan baa iskugu jawaabay.

Alhamdulilah shiiq mustafe iyo culumo kale ay kamid yihiin shiiq siciid raage, shiiq Dr Ali saalax iyo shiiq dalxa ayaa imaadeen istanbul . Si wanaagsan oo khair leh ayay noogu wacdiyeen wanaagana waana fareen allaha ka raali noqdo kuligoode.

Meesha muxaadarada ka dhaceyso muuqaalkeeda wax badan oo ihtimaam ah masiinin kumana mashquulin. Waxaa is lahaa wadaada si fiican u dhageyso waqtigaaga ka faaideyso lakin maskaxda maa kula tashanee. Cabaar kadib offline ee iska noqonee. Mar danbaa waxaa ku baraarugay anoo iska fikiraya meesha see u egtahay saan soo xasuustay alaa waataa ku riyootay ayadoo sidaas u eg. Subhan allah waaba sidi aan arkay iyo si ka ag dhow. Meel fadhigeeda gaduud yahay daahyo madow ku xiranyahay theater cml u eg( theater na abiykey ma tagine lkn saas cml) anigii jariiracaa iga kacday. Riyadeydii wee rumoowday aa is dhahay 😭muxaadradii markaas leeba si fiican usoo dhageestay. Alhamdulilah.

MY MOOD

my mood swings